25 ноябрь 2025 Яңалыклар

Казанда җәмәгать урыннарында җинаятьләр саны кимегән

Соңгы 5 елда Казанда җәмәгать урыннарында җинаятьләр саны – 48, исерек хәлдә кылынган җинаятьләр – 30, сәрхуш килеш рульгә утыручыларның юлларда авариягә юлыгу очраклары 55 процентка кимегән.

Шул ук вакытта балигъ булмаганнар арасында җинаять очраклары арткан. Шәһәр башкарма комитетының Иҗтимагый иминлек һәм хокук саклау органнары белән берлектә эшләү идарәсе җитәкчесе Николай Кузнецов әйтүенчә, наркотиклар әйләнеше өлкәсендә, IT технологияләр нигезендәге җинаятьләр дә күбәйгән.

Техник җиһазлар, аеруча видеокүзәтү камералары җинаятьләрне булдырмау һәм ачуга ярдәм итә. Хәзерге вакытта Татарстан башкаласында 53,3 меңнән артыграк видеокамера эшли.

БЕЗНЕҢ МАКС КАНАЛЫНА ЯЗЫЛЫГЫЗ!