Ул хастаханәгә барганда ике тапкыр клиник үлем кичергән, дип хәбәр итә Сәламәтлек саклау министрлыгының матбугат хезмәте. Ир-ат урамда барганда күкрәк читлегендә кинәт бик нык авырту сизеп, аптекага кергән.
Биредә аңа “Ашыгыч ярдәм” чакыртканнар. Фельдшерлар бригадасы ир-атның миокард инфаркт кичерүен ачыклагач, аның йөрәге туктаган. Медиклар йөрәк тибешен торгызган. Сырхау мөстәкыйль сулый башлаган, пульсы барлыкка килгән. Хастаханәгә барганда, йөрәге кабат туктаган.
Медиклар янә дефибриллятор кулланып, йөрәкне эшләтеп җибәрә алган. Хастаханәгә килеп җиткәндә ир-ат инде үз аңында булган, үзе сулаган. Аңа кичекмәстән операция ясаганнар. Хәзер инде ул, савыгып, өенә кайтып киткән.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез