Узган тәүлектә Казанда ике юл-транспорт һәлакәте булган, аларда ике кеше зыян күргән. Һәлак булучылар юк. Бу хакта шәһәр Дәүләт автоинспекциясендә хәбәр иттеләр.
Бер юл-транспорт һәлакәте Вахитов районында теркәлгән. Анда машина йөртүче юл өлешендә булган җәяүлене бәрдергән. Икенче вакыйга Совет районында булган. Анда «перестроение» кагыйдәләрен бозу аркасында автомобильләр бәрелешкән.
Бер тәүлек эчендә Дәүләт автоинспекциясенә юл-транспорт һәлакәте турында 187 хәбәр килгән. Юл-транспорт һәлакәтен рәсмиләштерү үзәкләрендә 73 авария теркәлгән. Тагын материаль зыян белән 33 вакыйганы урында Дәүләт автоинспекциясе хезмәткәрләре рәсмиләштергән.
Тәүлек эчендә сигез исерек машина йөртүчене тоткарлаганнар. Тагын биш кешенең транспорт чаралары белән идарә итү хокукы булмаган. Бер гражданин җинаять кылуда шикләнеп полициянең территориаль бүлегенә китерелгән.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез