Бер “квадратның” уртача хакы 254 мең сум (алдагы айдагыдан нибары 0,4 процентка зуррак) тәшкил иткән, дип яза “Татар-информ” фатирлар буенча Поиск Яндекс мәгълүматларына таянып. Ләкин фатирның тулы бәясе күбрәккә арткан.
Бер ай эчендә уртача күрсәткеч 2 процентка үсеп, 14 миллион сумга җиткән. Сатуга чыгарыла торган фатирларның уртача мәйданы – 57,5 кв. м. Шул рәвешле Казан яңа төзелгән йортларда торак бәясе буенча иң кыйммәтле шәһәрләрнең берсе булып кала. Чагыштыру өчен: июль аенда “миллионер” шәһәрләрдә фатирның уртача бәясе 2,5 процентка артып, 10,2 миллион сум тәшкил иткән. Халык саны 500 меңнән артыграк булган шәһәрләр арасында исә уртача күрсәткеч 9 миллион сумга җиткән.
Шул ук вакытта зур шәһәрләрдә квадрат метр хакы фатирның тулы бәясеннән акрынрак үскән. “Миллионер”ларда – аена 1,4 процентка, халык саны 500 меңнән артыграк булган шәһәрләрдә – 1,1 процентка. Казан исә 0,4 процентлы күрсәткече белән “квадрат” бәясе “таптана” башлаган шәһәрләр арасына эләккән.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез