Анда дөньяның 18 иленнән 16 дан алып 25 яшькә кадәрге пешекчеләр катнаша. “Ярышта катнашучылар саны елдан-ел арта. Быел аның форматын да үзгәрттек. Алдагы елларда катнашучылар бәйгедә тәкъдим ителәчәк ризык, аның технологиясен өйдән әзерләп килсә, быел алар “кара тартма” белән эш итәчәк.
Ягъни, ризык әзерләячәк азык-төлек исемлеген бәйге башлангач кына беләчәкләр. Уйларга биш минут вакыт биреләчәк”, – дип сөйләде форумның матбугат үзәгендә узган очрашуда Татарстан һәм Казан рестораторлары һәм отельерлары ассоциациясе генераль директоры Галина Шәрәфетдинова.
Турнирның судьялар коллегиясе рәисе Андрей Саховский сүзләренә караганда, иң мөһиме – әзер ризык тәмле булырга тиеш. “Әгәр сез рестораннан чыгып киттегез дә, нәрсә ашаганыгызны оныттыгыз икән, димәк, пешекчегә карата сораулар бар. Без ризык тәме аша төрле илләрне бәялибез”, – диде ул.
Сүз уңаеннан, хәзерге вакытта Татарстанда “Яшьләр һәм балалар” илкүләм проекты гамәлгә ашырыла.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез