06 ноябрь 2025 Яңалыклар

Казанда яшүсмерне наркотиклар сатарга маташуда гаепләү эше буенча суд утырышы булачак

Казанда яшүсмерне наркотиклар сатарга маташуда гаепләү эше буенча суд утырышы булачак. Җинаять кылу вакытында егет әле яшүсмер булган. Бу хакта Россия Тикшерү комитетының Татарстан буенча идарәсе хәбәр итә.

Тикшерү мәгълүматлары буенча, 2025 елның октябрендә үсмер интернет аша 27 граммнан артык авырлыктагы наркотиклар яшерелгән урын турында мәгълүмат алган. Аның бурычы – бу наркотикларны төрле урыннарга яшереп кую, шул рәвешле сатып алучылар табарлык итү. Моның өчен аңа акча вәгъдә ителгән.

Әмма 2025 елның 6 октябрендә аны Татарстан Тикшерү комитеты һәм Эчке эшләр министрлыгы хезмәткәрләре тоткарлаган.

Тикшерүчеләр җитәрлек дәлилләр туплаган һәм хәзер гаепләү буенча җинаять эше судның каравына җибәрелде.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!