27 февраль 2026 Яңалыклар

Казанда кар чистарту техникасын куллану нәтиҗәлелеге 40% ка арткан

Бу кыш эчендә генә дә шәһәрдән 1,3 млн тоннадан артык кар чыгарылган – үткән ел белән чагыштырганда дүрт тапкырга күбрәк. Бу хакта Казан мэриясе хәбәр итә.

Әмма коммуналь комплекс кадрлар кытлыгы һәм техника тузган шартларда эшләвен дәвам итә. Бу хакта шәһәр мэры Илсур Метшин бишенче чакырылыш Казан шәһәре Думасының VI сессиясендә юл хезмәтләре эшенә йомгак ясаганда белдерде.

Республика Рәисе Рөстәм Миңнеханов билгеләп үткәнчә, быелгы кыш шәһәр инфраструктурасы өчен җитди сынау булды.

Карны чыгару мәсьәләсе дә кискен тора. Гамәлдәге катгый экологик таләпләр вакытында шәһәр вакытлыча туплау мәйданчыкларында чикләнгән. Барлык сигез кар эретү пункты да тәүлек буе һәм мөмкинлекләре җиткәнчегә кадәр эшли, әмма аларның куәте җитәрлек түгел. Карарларның берсе буларак стационар кар эретү пунктлары төзү карала.

Исегезгә төшерәбез, шәһәр халкы юлларның торышы турындагы хәбәрләрне @kznhelpbot телеграм-ботына юллый яисә +7(843)222-72-22 телефон номерына шалтыратып җиткерә ала.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет", минниханов, миңнеханов, Рөстәм Миңнеханов, Татарстан Рәисе, раис