11 май 2026 Яңалыклар

Казанда Сабан туе 20 июньдә традицион рәвештә өч мәйданчыкта узачак

Татарстан башкаласында Сабан туе 20 июньдә өч традицион мәйданчыкта узачак: Дәрвишләр бистәсендәге Каенлыкта, Тынычлык бистәсендәге Каенлыкта һәм Аккош күлендә.

19 июньдә 18 сәгатьтән 22 июньдә иртәнге 8 сәгатькә кадәр әлеге локацияләрдә юл хәрәкәтен оештыру схемаларын үз эченә алган Казан Башкарма комитеты карары һәм аңа кушымта проектлары әлегә коррупциягә каршы экспертиза уза.

Моннан тыш, бәйрәм чаралары Казан ипподромында да узачак. Карар проекты нигезендә, кирәк булган очракта, «Казан» халыкара ат спорты комплексы янындагы парковка зонасының бөтен территориясендә машина кую һәм транспорт чаралары хәрәкәте 19 июньдә 00.00 дән 20 июньдә 23.59 га кадәр чикләнәчәк.

ТР Рәисе Рөстәм Миңнеханов указы нигезендә, 2026 елда сабан бәйрәме Татарстанның авыл торак пунктларында һәм район үзәкләрендә 6 һәм 7 июньдә, Чаллыда – 13 июньдә, ә Казанда 20 июньдә узачак.

Сүз уңаеннан, хәзерге вакытта Татарстанда «Яшьләр һәм балалар» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",