23-28 сентябрьдә Карл Маркс урамы буйлап хәрәкәт өлешчә ябылачак. Бу вакытка кайбер автобус маршрутларының хәрәкәт схемасы үзгәрәчәк. Чикләүләр юл өлешен ремонтлау белән бәйле.
23 сентябрьнең 23:00 сәгатеннән 28 сентябрьнең 5:00 сәгатенә кадәр Толстой урамыннан Пушкин урамына кадәрге участокта хәрәкәт чикләнәчәк.
Эшләр вакытында 10а, 22, 28, 28а, 30, 35, 54, 89 һәм 91 номерлы автобуслар үзгәртелгән маршрутлар буенча йөриячәк.
Троллейбусларның хәрәкәт схемасы үзгәрмәячәк.
Ремонт эшләренә бәйле рәвештә үзгәргән маршрутлар белән Казан мэриясе сайтында танышырга мөмкин.
Сүз уңаеннан, хәзерге вакытта «Яшәү өчен инфраструктура» илкүләм проекты гамәлгә ашырыла.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез