Казанда тукталышта 7 кешене бәрдерткәннәр

Вишневский белән Калинин урамнары чатында бик көчле авария булган.

Беренчел мәгълүматлар буенча, таксист автобустан кешеләр чыккан вакытта тукталыш һәм автобус арасына килеп кергән. Зыян күрүчеләр арасында — 14-16 яшьлек кыз һәм берничә өлкән яшьтәге хатын-кыз бар. Аларны хастаханәгә алып киткәннәр.

Социаль челтәрләрдә котчыкмалы юл фаҗигасе булган урыннан фотосурәтләр таралган. Зыян күрүчеләр тукталыш янында асфальтта ята: аларга беренче ярдәм күрсәтәләр.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!