“9 Май чаралары Җиңү паркында, Архангел һәм Арча кыры зиратларында хәрбиләр каберләренә һәм хезмәт батырлыгы мемориалларына чәчәкләр салудан башланачак. Шуннан соң Казан гарнизоны гаскәрләре тантаналы төстә узачак. Шул ук вакытта Меңьеллык мәйданында, иҗтимагый оешмаларның ватанпәрвәрлек юнәлешендәге күргәзмәсе белән бергә, тарихи, шулай ук бүгенге хәрби техника күрсәтеләчәк”, – дип хәбәр итте Казан башкарма комитеты җитәкчесе урынбасары Азат Абзалов.
Җиңү көнендә көнозын хәрби техника күргәзмәсе эшләячәк. Казанда яшәүчеләргә һәм кунакларга бәйрәм чараларына йорт хайваннарыннан башка гына, зур әйберләрсез, самокатларсыз гына, уңайлы киемнән килергә киңәш ителә.
“Казан гарнизоны гаскәрләре узганнан соң татарстанлыларның Бөек Җиңүгә керткән өлешен чагылдырган театраль тамаша күрсәтеләчәк. Хезмәт батырлыгы, сәнгать чаралары ярдәмендә ачылачак, парадта Татарстанның барлык хезмәт батырлыгы предприятиеләре вәкилләре катнашачак”, – дип билгеләп үткән ул. “Үлемсез полк” йөреше бәйрәмнең төп вакыйгасына әйләнеп, “Поющая Казан” акциясе белән төгәлләнәчәк.
Концертта “Волга-Волга” төркеменең, Салават Фәтхетдинов һәм башка танылган артистларның катнашуы көтелә. Бәйрәм 22.00 сәгатьтә салют белән төгәлләнәчәк. Ул Казансу өстендә алты урында биреләчәк.
Сүз уңаеннан, хәзерге вакытта Татарстанда “Без бергә” төбәк проекты гамәлгә ашырыла.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез