23 апрель 2026 Яңалыклар

Казанда «Үлемсез полк»ның ничек уздырылачагы турында мәгълүм булды

Быел Татарстан башкаласында «Үлемсез полк» акциясенең ни рәвешле уздырылачагы турында мәгълүм булды. «АиФ-Казань» шәһәрнең мәдәният идарәсе мәгълүматларына таянып хәбәр иткәнчә, акция урамнарга «чыгачак».

Моңа кадәр Россия Президентының Иҗтимагый проектлар буенча идарәсе башлыгы Сергей Новиков акция форматының һәр конкрет төбәктәге иминлеккә бәйле булачагын белдергән. Мәсәлән, күршедәге Башкортстанда онлайн уздырылачак.

Исегезгә төшерәбез: узган елда Казанда «Үлемсез полк» 3 ел эчендә беренче тапкыр урамнарда узды. Оештыручылар мәгълүматлары буенча, акциядә 150 мең кеше катнашкан.

БЕЗНЕҢ МАКС КАНАЛЫНА ЯЗЫЛЫГЫЗ!