Казанда VK Fest уздыру сәбәпле берничә урамда юлларны ябачаклар

Казанда VK Fest чорында автомобильчеләр өчен вакытлы чикләүләр кертәчәкләр. Бу хакта шәһәр Дәүләт автоинспекциясендә кисәттеләр.

Транспорт һәм парковка хәрәкәте 6 июньдә 20:00 дән 8 июньдә 7:00 гә кадәр фестиваль мәйданчыгы янындагы юлларның берничә участогында тыелачак.

Чикләүгә Сибгат Хәким урамы - Декабристлар урамыннан алып ике юнәлештә дә Әбсәләм урамына кадәр дәвам итәчәк. Шулай ук Бондаренко урамы буйлап Солдатская урамыннан Сибгат Хәким урамына кадәр хәрәкәтне ябачаклар.

Машина йөртүчеләрне йөреп чыгу маршрутларын алдан ук уйлап куярга һәм юл билгеләрен һәм полиция хезмәткәрләренең күрсәтмәләрен игътибар белән күзәтергә сорыйлар.

БЕЗНЕҢ МАКС КАНАЛЫНА ЯЗЫЛЫГЫЗ!