Росиядә ислам финанслары институты дәүләт катнашында һәм әһлак кануннарын исәпкә алып, эзлекле рәвештә гамәлгә ашырылырга тиеш. Бу хакта KazanForum кысасында узган түгәрәк өстәлдә Чечня хөкүмәте җитәкчесе – финанс министры Солтан Тагаев әйтте.
“Әлеге институт оешкан вакытта аңа намуссыз катнашучылар, мошенниклар килеп эләгүдән сак булырга кирәк, исламга тап төшермәсеннәр. Финанс террорчылык булырга тиеш түгел”, – диде ул.
Солтан Тагаев ислам финансларының озак вакытка исәпләнүен дә ассызыклады. “Бу икътисадый модель генә түгел, ә Коръән күрсәткән юл”, – диде финанс министры.
“Россия – Ислам дөньясы: KazanForum” халыкара икътисади форумы Татарстан башкаласында 13-18 майда уза. Ул Татарстанда 2009 елдан башлап ел саен үткәрелә һәм 2023 елдан федераль статуска ия. Татарстан Рәисе Рөстәм Миңнеханов Россия Президенты Владимир Путин кушуы буенча “Россия – Ислам дөньясы” стратегик караш төркемен җитәкли.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез