Казаннан Удмуртиягә һәм Ульяновск өлкәсенә елга рейслары ачарга мөмкиннәр

Бу хакта «Татар-информ» хәбәрчесенә компаниянең генераль директоры Роман Лизалин хәбәр иткән.

«Без Удмуртиядәге коллегаларыбыз белән әлеге мәсьәлә өстендә эшлибез. Алар безгә мөрәҗәгать иттеләр. Ульяновск өлкәсе белән дә», - дип белдерде Лизалин.

Әмма, аның сүзләренчә, төп мәсьәлә булып финанслау тора.

«Чынлыкта башлау, старт алу авыр. Ә менә инде алга таба баргач, анда инде субсидияләүне дә киметү турында сөйләшергә мөмкин булачак. Ягъни моны башлау мөһим. Башлау – эшнең яртысы», - дип ассызыклады генераль директор.

БЕЗНЕҢ МАКС КАНАЛЫНА ЯЗЫЛЫГЫЗ!