Казанның бер урамы Россия төбәкләрендә иң кыйммәтле сәүдә урамы рәтенә кергән

2025 елның гыйнварында Казанның Ямашев проспекты (Мәскәү, Санкт-Петербург һәм Сочины исәпкә алмаганда) Россия төбәкләрендә иң кыйммәтле сәүдә урамына әйләнгән. Бу хакта РБК SRG консалтинг компаниясе мәгълүматларына сылтама белән хәбәр итә.

Ямашев проспектындагы сәүдә һәм җәмәгать туклануы оешмалары өчен максималь аренда ставкасы елына 1 кв. метр өчен 41,2 мең сум тәшкил итә (НДСны исәпкә алмыйча). Узган елның мае белән чагыштырганда, 2024 елда ул 3% ка арткан.

2023 һәм 2024 елларда Ямашев проспекты Россия төбәкләрендә иң кыйммәтле сәүдә урамына әверелде — ул вакытта Казанның бу өлешендә максималь аренда ставкасы елына НДСтан башка 1 кв.метр өчен 40 мең сумга җиткән иде. 2023 елның җәендә генә искәрмә булды, ул вакытта рейтинг лидеры Пушкин урамы (сәүдә һәм җәмәгать туклануы оешмалары өчен максималь аренда ставкасы елына 1 кв.метр өчен 37,6 мең сум) булган иде.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!