Бу хакта “Роспотребнадзор”ның Татарстан буенча идарәсе хәбәр итә. Җәмәгать туклануы оешмасы эшчәнлеген тыю турында карарны Идел буе районы суды чыгарган.
Тикшерү барышында кафе эшендә санитария кагыйдәләрен тупас бозулар: савыт-сабаны юу һәм дезинфекцияләүнең тиешле таләпләргә туры килмәве, хезмәткәрләрнең медицина тикшерүе узмавы, юу җиһазларының тиешле санда булмавы ачыкланган.
“Тикшерү нәтиҗәләре буенча 2 ризык пробасында һәм төрле өслекләрдән алынган 4 пробада эчәклек таякчыклары табылган. Ашханәдә 12,5 кг азык-төлек продукциясенең маркировкасы һәм тиешле документлары булмавы ачыкланган”, – диелгән хәбәрдә.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез