Кемнәрнең күбрәк хезмәт хакы алуы билгеле

Узган елның гыйнвар-ноябрь айлары нәтиҗәләренә караганда, республика предприятиеләрендә һәм оешмаларында уртача айлык исәпләнгән хезмәт хакы 87 мең 734 сум тәшкил иткән.

Узган елның шушы ук чорына караганда, бу – 21 процентка күбрәк. Бу хакта Татарстан Икътисад министрлыгының еллык коллегия утырышында билгеле булды.

Кайсы өлкәдә эшләүчеләрнең хезмәт хаклары күбрәк икәне дә мәгълүм. Аерым алганда, былтыр мәгълүматлаштыру һәм элемтә тармагында эшләүчеләр уртача – 132,1 мең сум, финанс һәм иминиятләштерү өлкәсендә хезмәт итүчеләр – 127, 1 мең сум, файдалы казылма байлыклар чыгаруда – 121,9 мең сум, эшкәртү сәнәгатендә –114,7 мең сум хезмәт хакы алганнар.

Сәламәтлек саклау һәм социаль хезмәтләр өлкәсендә эшләүчеләрнең уртача айлык хезмәт хакы – 76,6 мең сум, мәгариф тармагында – 66,7 мең сум тәшкил иткән.

Сүз уңаеннан, хәзерге вакытта Татарстанда “Кадрлар” илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

" нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"