Кешеләрнең хәбәрсез югалулары турында хокук саклау органнарына мөрәҗәгать итү очраклары кимегән

Татарстанда соңгы алты елда кешеләрнең хәбәрсез югалулары турында хокук саклау органнарына мөрәҗәгать итү очраклары кимегән.

Эчке эшләр министрлыгы мәгълүматлары буенча, 2020 елда – 4088 шундый гариза, 2021 елда – 3694, 2022 елда – 2896, 2023 елда – 2623, 2024 елда 1314 гариза теркәлгән. Быел алты айда 411 гариза кергән. Югалган 297 кеше 10 көн эчендә табылган, аларны эзләү буенча эшләр кузгатылмаган.

Хокук сакчылары әйтүенчә, югалуның төп сәбәпләре – сәрхушлек, психик авырулар, өлкән яшьтәгеләрнең хәтере чуалу, гаиләдәге низаглар, башка төбәккә акча эшләргә чыгып китү, элемтә югалу. Кешенең бәхетсезлеккә юлыгуына да бәйле булырга мөмкин.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!