2026 елда иминият пенсиясенең уртача күләме чама белән 2 мең сумга артып, 27,1 мең сум тәшкил итәчәк. Бу хакта «РИА Новости» Россия Хезмәт һәм социаль яклау министрлыгы мәгълүматларына таянып яза.
«Картлык буенча уртача пенсия күләме 2 мең сум чамасы артып, 27,1 мең сум тәшкил итәчәк», – диелгән хәбәрдә.
Пенсияләр түләүгә якынча 13 триллион сум җибәреләчәк. Иминият пенсияләре, соңгы елларда беренче тапкыр буларак, 1 гыйнвардан фараздагы инфляциядән зуррак дәрәҗәдә – 7,6 процентка индексацияләнәчәк.
Сүз уңаеннан, хәзерге вакытта «Нәтиҗәле конкурентлыкка сәләтле икътисад» илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез