Бюджет, салымнар һәм финанс комитеты рәисе Леонид Якунин билгеләп үткәнчә, 2027 елга, 2028 һәм 2029 еллар планлы чорына Татарстан Республикасы бюджеты турындагы закон проектына регламент срокларында 371 төзәтмә кергән, шулардан 339 төзәтмә – Министрлар Кабинетыннан һәм 17 төзәтмә – КПРФ фракциясеннән, 15 төзәтмә – комитет әгъзаларыннан. КПРФ фракциясе төзәтмәләре коммунистлар тарафыннан кире алынган, чөнки фракция әгъзаларының тәкъдимнәре закон проектында чагылыш тапкан.
“Комитет утырышына кадәр барлык төзәтмәләр республика Хөкүмәте һәм парламенты, финанс министрлыгы һәм икътисад министрлыгы тарафыннан игътибар белән өйрәнелде һәм эшләнде”, – диде Леонид Якунин. Утырышта депутатлар барлык төзәтмәләрне исәпкә алып, закон проектын өченче һәм соңгы укылышта кабул итү өчен тавыш бирде. “Әйдәгез, кул чабыйк!” – диде бу уңайдан утырышта катнашкан Татарстан Рәисе Рөстәм Миңнеханов.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез