06 октябрь 2026 Яңалыклар

Киләсе елга хезмәт өчен түләүнең минималь күләме һәм яшәү минимумы арта

Россиядә хезмәт өчен түләүнең минималь күләме (МРОТ) киләсе елда 28 935 сумга кадәр, ә яшәү минимумы 20 227 сумга кадәр артачак, дип хәбәр итте Финанс министры Антон Силуанов. Бу хакта «РИА Новости»га сылтама белән «Татар-информ» яза.

«Киләсе елда хезмәт өчен түләүнең минималь күләме 28 мең 935 сумга кадәр артачак», – дип белдерде Силуанов Федерация Советында 2027-2029 елларга РФ Федераль бюджеты проекты параметрлары турында парламент тыңлауларында.

Ул билгеләп үткәнчә, 2030 елга минималь хезмәт хакын 35 мең сум күләмендә тәэмин итү буенча Президент куйган бурыч үтәләчәк. «Бу – аз керемле хезмәткәрләрнең хезмәт хаклары үсешен тизләтергә мөмкинлек бирәчәк», – дип өстәде Силуанов.

«Яшәү минимумы 6,8 процентка артачак һәм 20 227 сум тәшкил итәчәк. Бу күрсәткечтән чыгып билгеләнә торган пособиеләр, социаль түләүләр күләмен тәэмин итәргә мөмкинлек бирәчәк», – дип хәбәр итте Силуанов.

Сүз уңаеннан, хәзерге вакытта Татарстанда «Нәтиҗәле конкурентлыкка сәләтле икътисад» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",СВО, эвакуированные, эвакуируемые, донбасс, днр, лнр , донецк , луга