Көчле кар яву сәбәпле, Казаннан Мәскәүгә авиарейслар тоткарлана

Казан аэропорты сайтыннан алынган мәгълүматлардан күренгәнчә, Шереметьевога ким дигәндә ике рейс тоткарлана.

Түбән Камадан Шереметьевога оча торган рейс 16:45 кә күчерелде. Алга таба да тоткарлыклар булуы ихтимал.

Моңа кадәр Мәскәү аэропорты һава торышы начар булу сәбәпле 12:00 гә кадәр рейсларны кабул итмәячәге турында игълан иткән иде.

Сүз уңаеннан, хәзерге вакытта Татарстанда “Туристлык һәм кунакчыллык” илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!