27 ноябрь 2025 Яңалыклар

Көнбагыш маеның кыйммәтләнәчәге турында кисәттеләр

Россиядә үсемлек маеның бәясе 2-2,5 процентка артырга мөмкин. Сәбәбе – җитештерү күләме 5 процентка кимү. Икътисад фәннәре докторы Леонид Холод “Татар-информ” хәбәрчесе белән әңгәмәсендә шулай дип белдергән.

Моңа кадәр “Известия” газетасы быел үсемлек мае җитештерүнең 5 процентка кимү ихтималы турында хәбәр иткән иде.

“Тәкъдимнең 5 процентка кимүе бәяне гадәттә 2-2,5 процентка арттыруга китерә. Шул ук вакытта бу продукт кинәт кенә кыйммәтләнмәячәк. Базарда тигез урында ыгы-зыгы китереп чыгармасалар, бәясе арту сизелмәскә дә мөмкин”, – дигән Холод.

Сүз уңаеннан, бүгенге көндә Татарстанда “Технологик яктан азык-төлек куркынычсызлыгын тәэмин итү” илкүләм проекты гамәлгә ашырыла.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

" нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"