«Шәмсидин Фәридунины, Далерджон Мирзоевны, Мөхәммәдсобир Фәйзовны гаепле дип танырга һәм аларга гомерлеккә ирегеннән мәхрүм итү рәвешендә җәза билгеләргә», – дип игълан итте судья.
Алардан тыш, террорчыларны акча һәм корал белән тәэмин иткән, аларга машина саткан 11 җинаятьче дә гомерлек срокка хөкем ителгән. Тагын дүрт җинаятьче 19 ел һәм 11 айдан 22,5 елга кадәрхөкем ителде. Шулай ук аларга 800 меңнән 2,7 млн сумга кадәр штраф түләргә туры киләчәк.
«Крокуста» терактны башкаручылар – Россиядә тыелган «Вилаят Хорасан»* террорчылык төркеме әгъзалары һәм аларның булышчылары булып чыга. Терактка әзерлек берничә ай бара, кайбер террорчылар Россиягә беренче әзерлек узып чит илдән килгәннәр. Калганнары Россиядә яшәгән, алар теракт өчен чаралар һәм кораллар эзләгәннәр, дип аңлаттылар Тикшерү комитетында.
«Крокус»тагы теракт нәтиҗәсендә 149 кеше үлде, бер кеше хәбәрсез югалды, 609 кеше төрле дәрәҗәдәге җәрәхәтләр алды Һөҗүмнән килгән гомуми зыян якынча 6 млрд сум тәшкил иткән.
*Россиядә тыелган террорчылык төркеме
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез