05 гыйнвар 2026 Яңалыклар

Күпбалалы әти-әниләргә түләүле больничный вакытын арттырырга мөмкиннәр

Россия Президенты Владимир Путин авыру балаларны караган күпбалалы ата-аналар өчен түләүле больничныйның вакытын арттыру буенча тәкъдимнәр әзерләргә кушты.

Бу хакта ТАСС агентлыгы хәбәр итә

Нормаларны яңадан карау ихтыяҗы гамәлдәге чикләүләр аркасында барлыкка килгән: хәзерге вакытта җиде яшьтән кечерәк балаларның ата-аналарына елына 60 календарь көннән дә артык больничный түләнми.

Балалар чиратлап авырып китү ихтималы булган күп балалы гаиләләр өчен еш кына 60 көн җитеп бетми. Шунлыктан әлеге категория гражданнар өчен искәрмә ясарга һәм вакытлыча эшкә яраксызлык буенча пособие түләү вакытын арттырырга тәкъдим ителде.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!