Бу сезонда фестивальдә муниципаль учреждениеләр дә катнаша. Финанс ярдәме ике тапкырга – 40 миллион сумга кадәр арттырылган. Бу хакта Татарстан Республикасы шәһәрләрен үстерү институтының вакыйгалар программалары кураторы Данил Данилов сөйләде, дип хәбәр итә «Татар-информ».
«Конкурс бюджеты ике тапкырга арттырылды. Җәен 20 миллион сум булса, хәзер 40 миллион сум. Бу сезонда муниципаль учреждениеләр дә катнаша ала. Чараларны өч календарь чорда үткәрергә кирәк булачак», – дип аңлатты Данилов.
Бүгенге көндә конкурска Татарстанның төрле районнарыннан 250дән артык гариза кабул ителгән. Кышкы сезонда чана фестивальләре, ишегалды квестлары оештыру планлаштырыла.
«Бу сезонда конкурска үзмәшгуль кешеләргә караганда күбрәк юридик затлар гариза җибәрә. Шулай ук хәзер яңа шарт кертелде – вакыйгалар масштаблырак булсын өчен партнерлар җәлеп итәргә кирәк», – дип ассызыклады Татарстан шәһәрләрен үстерү институтының вакыйгалар программалары кураторы.
«Курше фест» кышкы бәйгесендә катнашу өчен гаризаны 28 ноябрьгә кадәр җибәрергә була. Фестивальнең кышкы сезоны 2026 елның 28 февралендә тәмамланачак.
«Курше фест» республика конкурсының узган сезоны ТР Рәисе Рөстәм Миңнеханов ярдәме белән үткәрелде һәм «Татарстанда җәй»программасының бер өлеше булды.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез