Ливия вәкиле «KazanForum»ны оештыру дәрәҗәсен югары бәяләде

Ливия дәүләтенең тышкы эшләр һәм халыкара хезмәттәшлек министры Абдулһади Ибраһим Лахвейж унбишенче «Россия – Ислам дөньясы: KazanForum»ның оештыру дәрәҗәсен югары бәяләде. Бу хакта ул Халыкара икътисадый форум һәм Russia Halal Expo икьтисадый һәм фәнни-техник хезмәттәшлек халыкара күргәзмәсенең ачылыш тантанасында әйтте.

Абдулһади Ибраһим Лахвейж җыенны югары бәяләп, оештыручыларга рәхмәт әйтте. «Безнең делегациясенең әлеге чарада катнашуы Ливиянең эшлекле хезмәттәшлекне һәрьяклап үстерергә әзер булуы турында сөйли», – диде ул.

Билгеле булганча, 14-19 майда башкалада унбишенче «Россия – Ислам дөньясы: KazanForum» уза. Халыкара икътисадый форумда дөньяның 80 иленнән 20 меңгә якын кеше катнаша.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!