«Самокатлар: иҗтимагый контроль» чат-боты ярдәмендә арендага алынган электр самокатларында Юл хәрәкәте кагыйдәләрен бозулар турында хәбәр итәргә мөмкин: дөрес куймау, икәүләп йөрү, җәяүлеләр кичүендә төшмәү, балигъ булмаган балаларның йөрүе.
Шикаять бирү өчен:
- ботны ачарга;
- бозу төрен, вакытын һәм урынын күрсәтеп форманы тутырырга;
- фото яки видео дәлилләр куярга кирәк.
Шуннан соң система кагыйдә бозучы йөргән самокат турында мәгълүматны кикшеринг хезмәтенә автоматик рәвештә хәбәр җибәрәчәк.
Чат-ботны Россия, Казахстан һәм Белоруссиянең 200дән артык шәһәрендәге кикшеринг операторлары булган җирләрдә яшәүчеләр куллана ала. Мөрәҗәгатьнең статусын ботның үзендә күзәтеп барырга мөмкин. Техник сорауларны hello@micromobilityassociation.ru электрон почтасы аша да бирергә була.
Элегрәк «Юрент» электр самокатларын арендалау хезмәте МАКС ярдәмендә самокатларда яшьне раслау технологиясен сынап караган иде.
Сүз уңаеннан, хәзерге вакытта Татарстанда «Юл хәрәкәте иминлеге» төбәк проекты гамәлгә ашырыла.
БЕЗНЕҢ МАКС КАНАЛЫНА ЯЗЫЛЫГЫЗ!
Фикер өстәү
Фикерегез