МАКСта каналлар саны 7 миллионнан артып киткән, ә аларга язылучылар 300 миллионга җиткән

Бу хакта компаниянең матбугат хезмәте хәбәр итә. Апрель азагына сервиста 300 меңләп – гавами һәм 6,7 миллионнан артыграк – ябык канал исәпләнә.

Шул ук вакытта айның икенче яртысында һәр көн саен 100 меңнән артыграк ябык канал булдырылган. Яңалыклар каналларына, шулай ук мәгарифкә, аш-суга багышланган блогларга иң зур ихтыяҗ күзәтелә. МАКСта гавами каналлар, Роскомнадзор реестрында теркәлгән авторлар өчен, узган елның июлендә булдырылган. Ә ябык каналларны быел февраль аеннан булдыру мөмкинлеге ачылган.

Сүз уңаеннан, хәзерге вакытта Татарстанда “Белешмәләр икътисады һәм дәүләтнең цифрлы үсеш-үзгәреше” илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!