23 сентябрь 2026 Яңалыклар

Марат Хөснуллин һәм Рөстәм Миңнеханов торак төзелеше темплары турында сөйләште

Татарстан Рәисе Рөстәм Миңнеханов Мәскәүгә эш сәфәре барышында Россия Хөкүмәте Рәисе урынбасары Марат Хөснуллин белән республиканың социаль-икътисади үсеше мәсьәләләре турында фикер алышты. Бу хакта ТР Рәисе матбугат хезмәтенә сылтама белән «Татар-информ» хәбәр итә.

Рөстәм Миңнеханов һәм Марат Хөснуллин торак төзелеше темпларына аерым тукталды. Сентябрь башына Татарстанда 2,8 млн кв. метрдан артык торак файдалануга тапшырылган (еллык планның 90 проценты), бу күрсәткеч буенча республика федерация субъектлары арасында өченче урында тора. Күпфатирлы йортлар төзү буенча узган елдагы күрсәткечтән 43 процентка арту теркәлгән (якынча 1 млн кв.метр, планлаштырылганның 90 проценты файдалануга тапшырылган).

Марат Хөснуллин ирешелгән күрсәткечләрне яхшы дип атады һәм Рөстәм Миңнехановка, бигрәк тә шәхси торак төзелеше буенча, «аларны киметмәскә кирәк», дип белдерде. Сентябрь уртасына Татарстанда төзеп тапшырылган шәхси йортларның мәйданы 1,8 млн кв. метрдан артык, ягъни планның 91 процентын тәшкил иткән.

БЕЗНЕҢ МАКС КАНАЛЫНА ЯЗЫЛЫГЫЗ!

минниханов, миңнеханов, «милли проектлар», «национальный проект», «Профессионалитет», илкүләм проект, Илкүләм проектлар, милли проект, нацпроект,