17 декабрь 2025 Яңалыклар

Машина йөртүчеләргә бозлавык вакытында куркынычсызлык чаралары турында искәрттеләр

Һава шартлары начар булу сәбәпле, республика юлларында бозлавык барлыкка килде. Дәүләт автоинспекциясе хезмәткәрләре автомобильдә йөрүчеләрне юлларда сак булырга һәм юллардагы катлаулы шартларны исәпкә алырга чакырды.

Инспекторлар машина йөртүчеләргә иминлек чаралары турында искә төшерә:

кискен маневрлар ясамаска, бигрәк тә каршы як полосага чыкмаска;
кинәт тормозга басмаска;
борылышларда игътибарлылык һәм саклык күрсәтергә.

Ведомствода билгеләп үтүләренчә, бу киңәшләрне үтәү аварияләр куркынычын киметергә һәм юлларда куркынычсызлыкны тәэмин итәргә ярдәм итәчәк, дип хәбәр итә «Татар-информ».

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!