17 декабрь 2025 Яңалыклар

Мәскәү шәһәр суды КФУның элеккеге ректоры Илшат Гафуровның хөкем карарына үзгәреш кертте

Мәскәү шәһәр суды Казан федераль университетының элеккеге ректоры Илшат Гафуровның хөкем карарын үзгәртеп, аның җәза срогын 22 елдан 18 елга кадәр киметте. Суд шулай ук корбаннарның гражданлык дәгъвалары буенча алдагы карарны гамәлдән чыгарды һәм аларны яңадан карауга җибәрде, дип хәбәр итә «КП» сайты.

Илшат Гафуров 2025 елның 28 маенда Мәскәүнең Савеловский район суды тарафыннан 1999 елның августында кылынган Алабуга эшмәкәре һәм депутаты Айдар Исрафиловны үтерүгә котыртуда гаепле дип табылды. КФУның элеккеге ректоры үз гаебен танымады һәм аклануны таләп итте.

Аның яклаучылары яңа хөкем карарын шикаять итәргә җыена. Элек суд тарафыннан канәгатьләндерелгән корбанның һәр гаилә әгъзасы файдасына 20 миллион сум акчаны Гафуровтан кайтару турындагы дәгъва гамәлдән чыгарылды. Гафуров 2021 елның декабрендә Казанда кулга алынган иде.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!