17 апрель 2026 Яңалыклар

MAX мессенджерында 7 миллион чит ил кулланучысы теркәлгән

MAX мессенджерында ел башыннан алып 7 миллион чит ил кулланучысы теркәлгән. Бу хакта компаниянең матбугат хезмәтенә сылтама белән «Татар-информ» хәбәр итте.

Платформа мәгълүматлары буенча, чит ил кулланучылары миллиардтан артык хәбәр җибәргән һәм 220 миллион тапкыр шалтыраткан. Үзбәкстан, Белоруссия һәм Казахстан халкы аеруча актив теркәлә.

Мессенджерда 40 илнең гражданнары теркәлә ала. БДБ илләрендә яшәүче кулланучылар өчен шалтырату һәм хәбәрләр алмашу мөмкинлеге узган елның ноябрендә ачылган иде, ә 2026 елның мартыннан Азия, Африка, Якын Көнчыгыш һәм Латин Америкасы илләрендәге кулланучылар өчен шундый мөмкинлек барлыкка килде.

Апрель башына MAX мессенджерында теркәлгән кулланучыларның гомуми саны 110 миллионга җиткән, шул ук вакытта көндәлек аудитория 80 миллион кешедән артып киткән.

Сүз уңаеннан, хәзерге вакытта Татарстанда «Белешмәләр икътисады һәм дәүләтнең цифрлы үсеш-үзгәреше» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект " , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет"