07 ноябрь 2025 Яңалыклар

«MAX»та БДБның тагын җиде иле гражданнары өчен теркәлү мөмкинлеге барлыкка килде

«MАХ» мессенджерын Россия һәм Белоруссиядән тыш, тагын җиде БДБ илендә дә куллану мөмкинлеген булдырылды, дип хәбәр иттеләр «MАХ»ның матбугат хезмәтенә. Азәрбайҗан, Әрмәнстан, Казахстан, Кыргызстан, Молдова, Таҗикстан һәм Үзбәкстан халкы өчен шалтырату һәм хәбәрләр җибәрү мөмкинлеге барлыкка килде.

БДБ илләрендәге кулланучылар белән аралашу өчен, әңгәмәдәшләрнең номерларын контактлар исемлегенә өстәргә кирәк. Әгәр номер исемлектә булмаса, компаниядә әйтүләренчә, чакыру сылтамасы җибәрергә мөмкин.

«Әңгәмәдәшнең номерын контактлар исемлегенә өстәү – «МАХ»та куркынычсыз һәм ышанычлы аралашу форматын саклау өчен кирәкле чара», – диелә хәбәрдә.

Матбугат хезмәте ачыклаганча, мондый чара мошенниклар белән нәтиҗәле көрәшергә, спам-хәбәрләрне кисәтергә һәм мәгълүматларны өстәмә саклауны тәэмин итәргә мөмкинлек бирә.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!