04 гыйнвар 2026 Яңалыклар

Менделеевск шәһәрендә һәлак булган балаларга ничә яшь булганы билгеле

Менделеевск шәһәрендә канализация коесына егылып ике малай һәлак булганнан соң, җинаять эше кузгатылды. Бу хакта Татарстан Республикасы буенча Тикшерү идарәсе хәбәр итте.

«KazanFirst» хәбәр иткәнчә, ике малай да кичә югалган. Балаларны эзләгәннәр, ләкин таба алмаганнар. Мәгълүм булганча, мәктәп балалары тау шуарга киткәннәр. Малайларның берсе ачык канализация чокырына егылган. Икенчесе аны коткарырга тырышкан һәм шулай ук һәлак булган. Алар егылып төшкән канализация коесы ачык булган.

Балаларга 10 яшь булуы билгеле. Малайлар дус булганнар.

Район башлыгы Роберт Искәндәров һәлак булганнарның якыннары һәм туганнарының кайгысын уртаклашты.

– Гаиләләргә барлык кирәкле ярдәм күрсәтеләчәк, – диде ул.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!