15 май 2026 Яңалыклар

Миңнеханов:«КазанФорум» географиясе Россияне дөньядан аеру омтылышларының уңышсызлыгын күрсәтә»

«КазанФорум»га быел 100дән артык ил вәкилләре килде. Бу Көнбатыш илләренең Россияне бөтен дөньядан аеру омтылышларының уңышсызлыгы турында сөйли. Бу хакта Татарстан Рәисе Рөстәм Миңнеханов «Россия – ислам дөньясы» стратегик караш төркеме утырышында әйтте.

«Татарстанга халыкара икътисадый форумда катнашу өчен 100дән артык чит дәүләт вәкилләре килде. Бу Россияне изоляцияләү омтылышларының файдасызлыгының ачык мисалы. Катлаулы шартларда илебез дәүләтләрнең суверен тигезлеге, аларның социаль, сәяси һәм икътисадый төзелешне үстерү юлларын мөстәкыйль сайлау хокукын хөрмәт итү, мәдәниятләр һәм цивилизацияләрнең күптөрлелеге, барлык дөнья диннәре өчен аңлаешлы рухи-әхлакый ориентирларга таяну кебек принципларга нигезләнгән күп поляр дөнья формалаштыруны дәвам итә», – диде ул.

Рөстәм Миңнеханов Россия белән Ислам дөньясы арасындагы хезмәттәшлекнең төп бурычларының берсе дип постсовет киңлегендә һәм аннан читтә исламофобия күренешләренә һәм традицион дини берләшмәләрне кысрыклауга каршы торуны атады.

Моннан тыш, Татарстан рәисе мәгариф өлкәләрендә, шул исәптән дини өлкәләрдә хезмәттәшлеккә күбрәк игътибар бирергә өндәде, бу глобальләшү һәм гомумцивилизация кризисы шартларында дини кыйммәтләрне яхшырак аңларга ярдәм итәчәк.

Сүз уңаеннан, хәзерге вакытта Татарстанда «Нәтиҗәле конкурентлыкка сәләтле икътисад» илкүләм проекты гамәлгә ашырыла.

БЕЗНЕҢ МАКС КАНАЛЫНА ЯЗЫЛЫГЫЗ!

минниханов, миңнеханов, Рөстәм Миңнеханов, Татарстан Рәисе, раис, "нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",