Россия Хезмәт һәм социаль яклау министрлыгы 2026 елга хезмәткә түләүнең минималь күләмен (МРОТ) 27 093 сум күләмендә билгеләргә тәкъдим иткән. Бу хакта “ТАСС” хезмәт һәм социаль яклау министры Антон Котяков сүзләренә таянып яза.
Аның әйтүенчә, МРОТ гамәлдәгедән 20,7 процентка артып, көтелгән инфляция күләменнән күбрәк булачак.
“Хезмәткә түләүнең минималь күләмен билгеләүгә карата күрелгән чаралар Президентның МРОТны үстерү буенча куелган бурычларын үтәү мөмкинлеге бирә”, – дип билгеләп үткән Котяков.
“Уртача хезмәт хакыннан чыгып, 2026 елда хезмәткә түләүнең минималь күләмен 27 093 сум дәрәҗәсендә билгеләү тәкъдим ителә. Шул рәвешле МРОТ 20,7 процентка артачак, ягъни инфляция күләменнән югарырак дәрәҗәдә булачак”, – дип өстәгән министр.
Хәзерге вакытта МРОТ 22 440 сум тәшкил итә. Аны арттыру Россиядә яшәүче 4,6 миллион чамасы кешегә кагылачак.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез