Мурманск – Санкт-Петербург поезды һәлакәтендә үлүчеләр бар

Мурманск – Санкт-Петербург поезды һәлакәтендә зыян күрүчеләр саны 31 кешегә (шул исәптәп 5 бала) җиткән. 14 кеше хастаханәгә озатылган, дүртесе – авыр хәлдә. Бу хакта “Татар-информ” “Россия тимер юллары”ның телеграм-каналындагы хәбәренә таянып яза.

“Соңгы мәгълүматларга караганда, 18 декабрьдә Мәскәү – Санкт-Петербург 11нче поезды һәлакәтендә 31 кешегә, шул исәптән 5 балага зыян килгән. 14 кеше хастаханәгә озатылган. Дүртесе – авыр хәлдә. Ике кеше һәлак булган”, – диелгән хәбәрдә.

“РЖД” шулай ук зыян күрүчеләрне үзенең медицина үзәкләрендә дәваларга һәм тернәкләндерергә әзер булуы турында белдергән. Компания һәлак булучыларның гаиләләренә 2 миллион 200 мең сум күләмендә компенсация түләячәк.

Исегезгә төшерәбез: 18 декабрьдә Мәскәү вакыты белән 16.15 сәгатьтә Мурманск өлкәсенең Кандалакша районында Мурманск– Санкт-Петербург пассажир поезды йөк поезды белән бәрелешкән. Башта 27 кешенең (шул исәптән 5се бала) зыян күрүе, ике кешенең һәлак булуы турында хәбәр ителгән иде.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!