БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Тиздән 16 яшен тутыручы игезәк кызлар Замирә белән Камилә Гыйззәтуллиналарның икесенә бер язмыш. Табиблар аларга, тууга, ДЦП диагнозы куя. Бүген Замирәләре аягына басып йөри алса, Камилә ятып кына тора. Аны дәвалар өчен ай саен акча кирәк. Замирә туганына ярдәм итәргә тели, Камилә Гыйззәтуллинага ярдәм итү ниятеннән Казанда 4 февральдә хәйрия концерты узачак.
Казанның Киров районында каршеринг машинасы электричка белән бәрелешкән.
Россиянең халык артисты, РСФСРның һәм ТАССРның атказанган сәнгать эшлеклесе Лима Кустабаевага – 80 яшь. Үзенең 30 елдан артык гомерен Татарстанның дәүләт җыр һәм бию ансамбленә багышлаган шәхес ул.
Укучыларны һәм студентларны спортка күбрәк тартырга, мәктәпләрдәге физик культура дәресләренең әһәмиятен арттырырга. Татарстан Премьер-министры урынбасары Ләйлә Фазлыева Спорт министрлыгының коллегия утырышында әлеге тармак алдына әнә шундый бурычлар куйды.
Бу юлы баш режиссер Айдар Җаббаров Чыңгыз Айтматовның «Тополек мой в красной косынке» әсәре буенча «Ал яулыклы язмышым» спектаклен тәкъдим итте. Беренче хисләр, өзелеп ярату, хыянәт, чәлпәрәмә килгән бәхет, хыяллар, ялгышларың өчен күргән газап-үкенүләр... Әлеге спектакль – тамашачы күңеленә тия торган бер мәхәббәт тарихы турында.
Мичле йорт бәрәкәтсез булмас, ди халык. Җылысы да, ризыгы да булыр. Март аенда ишекләрен ачачак яңартылган ЦУМ бинасында мичне ясый башлаганнар инде. Монда ул матурлык өчен генә тора. Чып-чын татар миче, тимерчелек остаханәсе, җәйге ярминкәләр «Уникаль осталык үзәге»нең янәшәсенә аерым мәйданчыкка урнаштырылачак.
«Ачлык аркасында озак яшәдек!» Мамадыш районының Хафизовка авылында гомер итүче Сәхия Нәбиуллина йөз яшькә җитү серен әнә шулай аңлата. Ул бүген дә үз аягында, әле көненә бер чакрым араны җәяү йөри. Тагын да шаккатмалы хәл: ялгызы гомер итә. Туган көне булгач, бу арада өеннән кеше өзелми. Үзбәкстанда яшәүче кызы Сания кунакка кайткач, әбекәйнең бәхете тагын да арткан.
Лениногорск районының Тимәш авылында Габдрәхим Утыз Имәни исемендәге мәдәни-тарихи комплекс төзелгән.
Республикада көчнең бердәмлектә икәненә төшенеп эшләгән кооперативлар саны 215 кә җиткән. Бүген алар 22 мең фермер һәм шәхси хуҗалыкны берләштерә.
Ел башыннан Татарстан юлларында 26 кешенең гомере өзелгән. Бу көн саен аварияләрдә бер татарстанлы һәлак була дигән сүз.
Фикер өстәү
Фикерегез