Россиядә ноябрь аеннан мәктәп укучылары урындыклары өчен яңа дәүләт стандарты эшли башлаячак. Документ мәктәп урындыгы нинди сыйфатларга ия булырга тиешлеген тасвирлый. Бу хакта РИА Новостига сылтама белән «Татар-информ» яза.
Аерым алганда, документта утыргычның өслеге яссы булырга мөмкин диелгән. Тирәнлек 10 миллиметрдан артмаска тиеш. Утыргычның почмаклары һәм урындык аркалары шомартылган булырга тиеш.
Документ тексты нигезендә, аны гамәлгә кертү датасы – быелның 1 ноябре .
Шул ук вакытта ГОСТлар һәрвакытта да мәҗбүри түгел. Гамәлдәге ГОСТларның күбесе киңәш характерында һәм җитештерүчеләр өчен ориентир булып хезмәт итә.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез