Фаҗига 25 май көнне булган.
Ульяновскидан 13 яшьлек малайның үлеменең сәбәбе билгеле булды, аны трамвайдан чыкккан өч ир-ат кыйнаган. Ул аңын югалтып, хастаханәгә барганда вафат була. Малайның йөрәк-кан тамырлары системасы авыруы булуы да мәгълүм.
Алтынчы сыйныф укучысы үзенең дуслары белән транспортта кайтканда кычкырып сөйләшкән һәм сүгенү сүзләре дә кыстырган. Бу трамвайда баручы ир-атларның ачуын китергән. Полициянең соңгы мәгълүматлары буенча, салонда булган бер генә кеше дә бу фактны расламаган.
Ир-атлар яшүсмер чыккан тукталышта чыгып, аны кыйнаганнар.
Хәзер «Саксызлык аркасында үлемгә китерү» маддәсе буенча җинаять эше кузгатылган. Хәзерге вакытта низагка кергән кешеләрнең шәхесләре ачыклана.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез