13 гыйнвар 2026 Яңалыклар

Онлайн-сервислар 1 марттан кулланучы ризалыгыннан башка подписка өчен акча ала алмаячак

Россиядә онлайн-сервислар кулланучының ачыктан-ачык ризалыгыннан башка цифрлы «подпискалар» өчен акчаны автомат рәвештә ала алмаячак. Шул турыдагы яңа кагыйдәләр 2026 елның 1 мартыннан үз көченә керә. Бу хакта Дәүләт Думасының мәгълүмати сәясәт, мәгълүмати технологияләр һәм элемтә комитеты әгъзасы Антон Немкин хәбәр итте, дип яза «Татар-информ».

«1 марттан кулланучыларга язылуларны көчләп тагуга каршы чара эшли башлаячак – цифрлы язылуларны рәсмиләштергәндә гражданнарның хокукларын яклауга юнәлдерелгән төзәтмәләр үз көченә керәчәк», – дип белдерде парламентарий РИА Новости белән әңгәмәдә.

Немкин сүзләренчә, язылу моделе бүген киң кулланыла – стриминг платформаларыннан һәм мобиль кушымталардан алып онлайн-курсларга һәм маркетплейсларга кадәр. Әмма уңайлылыгы белән бергә ул ризалыктан башка автомат рәвештә акчаларны алу белән бәйле җитди проблемалар да тудырды. Депутат искә төшергәнчә, күп кенә кулланучылар хезмәт күрсәтүдән баш тарткан яки банк картасы алышынганнан соң да акча алыну дәвам иткән хәлләргә юлыккан.

Кабул ителгән закон, Немкин ассызыклаганча, компанияләргә кулланучының ачыктан-ачык ризалыгыннан башка элек сакланган карта яки банк счеты реквизитларын куллануны тыя. Алга таба түләүләрдән баш тарткан очракта, сервис клиентның финанс мәгълүматлары белән теләсә нинди хезмәттәшлекне туктатырга тиеш. Моннан тыш, онлайн-платформалар сакланган реквизитларны кулланудан баш тартуның гади һәм уңайлы ысулын тәэмин итәргә тиеш булачак, шул исәптән электрон форматта да.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",