31 октябрь 2025 Яңалыклар

Пенсия яшендәге ир, интернет аша кышкы тәгәрмәчләр сатып алганда, 100 мең сум акчасыз калган

Казанда ике җирле кеше интернеттагы сатып алулар аркасында йөз мең сумнан артык акчаларыннан мәхрүм калган.

Казан буенча Россия Эчке эшләр министрлыгының матбугат хезмәтендә хәбәр итүләренчә, 66 яшьлек ир-ат бушлай игъланнар сайтында кышкы резина комплекты сатылуы турында мәгълүмат тапкан. Пенсионер түләү шартлары турында килешкән һәм күрсәтелгән счетка йөз мең сум акча күчергән. Ләкин транзакциядән соң сатучы элемтәгә чыгудан туктаган.

Мошенникларның гамәлләреннән 30 яшьлек хатын-кыз да зыян күргән, ул видеокамера сатып алырга теләп, аферистларга 38 мең сум акча күчергән.

«Мошенниклык» маддәсе буенча җинаять эшләре кузгатылган.

БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!