Бу хакта Россия Социаль фонды мәгълүматына сылтама белән «РИА Новости» хәбәр итә. Аны дәүләт хезмәтләре порталында шәхси кабинетта табарга мөмкин, ә таныклыкның пластик версиясен фонд яки КФҮ бүлегендә рәсмиләштерергә мөмкин. Цифрлы таныклыкларны пенсионерлар октябрьдән ала башлады.
Аларны алу өчен гражданнарга гариза бирү таләп ителми: QR-код гамәлдәге пенсионерлар өчен шәхси кабинетта автомат рәвештә формалаштырыла, ә пенсия статусын алучылар өчен – пенсия билгеләнгәннән соң ун көн эчендә барлыкка киләчәк. Фондта элек бирелгән пластик таныклыкларның үз көчен саклавын һәм алыштыруны таләп итмәвен дә искәртеп үттеләр. Аларны элеккечә фонд яки МФЦ клиент хезмәтендә алырга мөмкин. Социаль фонд башлыгы Сергей Чирков хәбәр итүенчә, электрон таныклыкларны гамәлгә кертү гражданнарның ташламалы категорияләренең бердәм цифрлы профильләрен булдыру эшенең бер өлеше булып тора. QR-кодларны куллану төрле учреждениеләрдә ташламаларга һәм хезмәтләргә хокукны тиз расларга мөмкинлек бирәчәк.
Чирков шулай ук 2,8 миллионнан артык гаилә мәгълүматларын үз эченә алган күпбалалы гаиләләрнең бердәм реестры уңышлы эшләвен, бу аларның статусын өстәмә белешмәләр җыярга һәм дәүләт хезмәтләре аша электрон таныклыклар бирергә мөмкинлек бирүен әйтеп үтте.
Цифрлы ресурсларны үстерү «Мәгълүматлар икътисады һәм дәүләтнең цифрлы трансформациясе» илкүләм проекты кысаларында, ТР Рәисе Рөстәм Миңнеханов һәм РФ Хөкүмәте ярдәмендә башкарыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез