26 июнь 2026 Яңалыклар

Поездга соңга калган очракта, билет бәясен кире кайтарырга мөмкинме? – Юрист җавабы

Укучыбыз: «поездга соңга калсаң, билет бәясен кире кайтарырга мөмкин, дип ишеттем. Тәртибен аңлатып бирсәгез иде», – дип сораган.

Юрист Руслан Батыршин җавап бирде.

– Әйе, мөмкин. Моның өчен вокзал яки станция кассасына шәхсән мөрәҗәгать итәргә кирәк. Кире кайтару вакытлары болайрак. Поезд киткәннән соң 3 сәгатькә кадәр – гаризасыз гына билет бәясенең бер өлеше кире кайтарыла. 3 сәгатьтән 12 сәгатькә кадәр – гариза язасы. Аны 30 көн эчендә карап, билетка киткән чыгымны өлешчә кайтарачаклар. 5 тәүлеккә кадәр – нигезле сәбәп белән (әйтик, чирләп китү яки авариягә эләгү). Моны раслаган документ: табиб белешмәсе, «больничный» кәгазе яки ГАИ беркетмәсе таләп ителә.

Билет бәясенең уртача 75 проценты кире кайтарыла. Сүз уңаеннан, билетны кассада, өстәп түләү бәрабәренә, башкасына да алыштырып булуын әйтеп үтәргә кирәк.

БЕЗНЕҢ МАКС КАНАЛЫНА ЯЗЫЛЫГЫЗ!

"нацпроект" , нацпроект" , "национальный проект" , "Илкүләм проект" , "милли проект" , "Илкүләм проект*" , "Илкүләм проектлар" , "милли проект*" , "милли проектлар" , "Профессионалитет",СВО, эвакуированные, эвакуируемые, донбасс, днр, лнр , донецк , луга