“Татарстан Хөкүмәте исеменнән һәм шәхсән үз исемемнән Аналар көне уңаеннан җылы һәм эчкерсез котлауларны кабул итеп алыгыз, – диелгән котлауда. – Бу бәйрәмгә аерым бер мәгънә салынган: ярату белән, хезмәтегезгә, игътибар һәм ныклыгыгызга карата зур ихтирам-хөрмәт хисләре белән сугарылган ул.
Сез бөтен көчегезне биреп үсеп килүче буынны тәрбияләргә тырышасыз, балаларны намуслы һәм изге күңелле булырга өйрәтәсез. Авыр мизгелләрдә сезнең ярдәм ышанычлы терәккә әйләнә.
Уллары махсус хәрби операция зонасында хезмәт итүче хатын-кызларга аерым рәхмәт сүзләре җиткерәсе килә. Сезнең тәрбия нәтиҗәсендә илебез чын мәгънәсендә батыр йөрәкле, Ватанга тугрылыклы саклаучыларга ия булды.
Үсешендә үзенчәлекләре булган балалар тәрбияләүче аналарга чын күңелдән “рәхмәт” диясе килә. Сезнең язмыш – бетмәс-төкәнмәс сабырлык, көндәлек батырлык һәм фидакарьләрчә ярату үрнәге. Бу сыйфатларыгыз балаларга тормышта уңышларга ирешүгә булыша.
Чит балаларны үз канаты астына сыендырган әниләргә гаять зур ихтирам хисләре белән мөрәҗәгать итәбез. Аларның изге күңелләре балага иң мөһимен – үз көченә ышаныч, иминлек хисен һәм өй җылысын бүләк итә.
Илебезнең иң яхшы традицияләрен саклаучы, гаилә терәге булып торучы күпбалалы хатын-кызларга эчкерсез-рәхмәтләребезне җиткерәбез. Балаларны тәрбияләү буенча хезмәтегез – Татарстанның киләчәгенә бәһаләп бетергесез өлеш кертү ул.
Кадерле әниләр, нәкъ менә сезнең яратуыгыз, зирәклек һәм иксез-чиксез кайгыртуыгыз һәр гаиләнең, гомумән, бөтен республиканың үсешенә ныклы нигез булдыра.
Сезгә нык сәламәтлек, күңел тынычлыгы, бәхет һәм иминлек телим! Балаларыгыз үзләренең уңышлары белән сөендерсен! Тирәгездәгеләрнең игътибары һәм ихтирамы күңелләрегезне җылытсын!” – диелгән котлауда.
Сүз уңаеннан, хәзерге вакытта Татарстанда “Гаилә” илкүләм проекты гамәлгә ашырыла.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез