Татарстан Рәисе Рөстәм Минеханов белән очрашу барышында Россия Президенты Владимир Путин Казанда узучы “Киләчәк уеннары”ның оештыру дәрәҗәсен югары бәяләде. Бу хакта Кремль сайты хәбәр итә.
– Ачылыш тантанасын оештыруда ярдәм күрсәткәнегез өчен рәхмәт әйтәсем килә, – диде ул республика башлыгына. – Барысы да югары дәрәҗәдә оештырылган – Татарстанда һәрвакытта да шулай, сез моны эшли беләсез.
Владимир Путин әлеге уеннарның халыкара дәрәҗәдә үткәрелүен һәм ачылыш тантанасы республика гына түгел, ил күләмендә дә лаеклы дәрәҗәдә узуын искәртте.
– Мондый зур чараны Татарстанда үткәрергә ышанып тапшырганыгыз өчен бик зур рәхмәт, Владимир Владимирович, – диде Рөстәм Миңнеханов. – Кунакларыгыз өчен дә рәхмәт, алар бик канәгать. Иртән Таҗикстан Президентын озаттык. Ул: “Владимир Владимировичка рәхмәтемне һәм хөрмәтемне тапшырыгыз”, – диде, – дип сөйләде Рөстәм Миңнеханов.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез