Путин Татарстан Югары суды рәисенең яңа урынбасарын билгеләде

Николай Герасимов Татарстан Югары суды рәисе урынбасары булды. Әлеге указны Россия Президенты Владимир Путин имзалаган, дип хәбәр итә судның матбугат хезмәте.

Моннан тыш, Президентның 2025 елның 17 апрелендәге 244нче указы нигезендә түбәндәге билгеләнешләр булган:

- Яшел Үзән шәһәр суды рәисе урынбасары итеп Анжела Ахунова билгеләнгән;

- Тукай районы суды рәисе итеп Радик Зиннәтов билгеләнгән;

- Чистай шәһәр суды рәисе урынбасары итеп Регина Фархаева билгеләнгән;

- Казанның Вахитов районы суды судьясы булып Эльвира Мәрдәнова билгеләнгән;

- Түбән Кама шәһәр суды судьясы итеп Евгений Шувалов билгеләнгән.