Законлылык һәм хокук тәртибе комитеты рәисе урынбасары, Россия Герое Рәсим Баксиков Татарстан Республикасы Рәисен һәм җирле үзидарәнең вәкиллекле органнары депутатларын сайлауда катнашты. Россия Герое Оренбург трактында урнашкан 136 нчы урта гомуми белем бирү мәктәбендә урнашкан сайлау участогында тавыш бирде, дип хәбәр итә ТР Дәүләт Советы матбугат хезмәте.
«Минем өчен сайлаулар барыннан да элек минем гражданлык бурычым булып тора. Пагонлы кешеләр тәртипкә өйрәтелгән. Сайлауларда катнашу – ул, беренче чиратта, безнең эчке җаваплылыгыбыз», – дип ассызыклады Рәсим Баксиков.
Рәсим Баксиков әйтүенчә, Ватан алдында гражданлык бурычын формалаштыру гаиләдә башлана. Ул яшьтән үк тавыш бирергә өйрәнгәнлеген сөйләде. «Шуның белән мин без үсәчәк юлны сайлыйм. Бу әле безнең республика белән идарә итүдә конституциячел хокукыбызның чагылышы да. Нәкъ менә без – сайлаучылар алга таба барачак юнәлешне, юлны билгели», – диде Рәсим Баксиков журналистлар белән әңгәмәдә.
БЕЗНЕҢ ТЕЛЕГРАМ КАНАЛГА ЯЗЫЛЫГЫЗ!
Фикер өстәү
Фикерегез